Våre Tur aktivitetar

Nasjonalparkfestivalen "Under Storen" er ein festival for deg som trivst best ute der elvar og fossar renn fritt og tindane kneisar opp frå frodige fjelldalar. Her kan du møte nye og gamle vener på dei guide turane våre, eller du kan finna vegen inn i den fantastiske naturen vår heilt på eiga hand. Pass på at du deltek i sjølvi-konkurransen vår, ved å knipsa kreative bilete av deg sjølv på utsynspunkta me har valt ut og dela dei på instagram med emneknaggen #nasjonalparkfestivalen. Orienter deg også om dei andre aktivitetane våre denne helga - det er mykje som skjer! 

Turane:

For spørsmål/interesse: kontakt Rigmor: m.959 65 158 eller Torunn: post@bulderogbrak.no  
Send oss gjerne ein melding om kva tur(ar) du vil gå. 
Ein kan delta på alle turar med eit turpass (kr 120,-) som ein får kjøpt på Vipps - kode 110905 (eller søk opp Nasjonalparkfestivalen). Der finn du det under MENY. Du kan og betale ved oppmøte.

Torsdag 29. juni:

Hjelle - Bråtet utsynspunkt - Heimre Hjelledalen. Turen startar kl 17 frå parkeringsplassen ved Hjellefossen. 

 

Fredag 30. juni:

Introduksjonskurs i havpadling. 3-4 timar. Kvalifiserer til våttkort. Pris: 900 kr per person. Oppmøte ved Årdalsvatnet i Øvre Årdal kl 1400.

Arrangør: Bulder & Brak Opplevingar

Meld deg på til epost post@bulderogbrak.no eller tlf 975 22 139  innan 29. juni kl 12. 

 

Laurdag 1. juli:

1) Tronteigen - Bergastøl utsynspunkt - Gravdalen - Avdalen Gard - Utladalen Naturhus. Turen startar kl 08 frå Svalheim Gard. 

2) Utladalen Naturhus - Avdalsskåri utsynspunkt - Avdalen Gard - Utladalen Naturhus. Turen startar kl 09 frå Utladalen Naturhus. 

3) Berdalsbandet ved bommen på Tindevegen - Vestre Austanbotntind (2100 moh) utsynspunkt - Berdalsbandet. Oppmøte kl 0830 på Torget utanfor Tya bakeri (Årdalsenteret) i Øvre Årdal. Turen går berre dersom det er minst 5 deltakarar.

4) Utladalen Naturhus - Avdalen Gard. Turen er for dei som skal gå til Stølsmaradalen på søndag, og som vil overnatta i Avdalen. Turen startar kl 21 frå Utladalen Naturhus. Turleiar: Rigmor Solem

 

Søndag 2. juli:

1) Hjelle - Vetti Gard - Vettisfossen. Turen startar kl 10 frå Utladalen Naturhus. 

2) Avdalen Gard - Stølsmaradalen - Brendeteigen utsynspunkt - Vetti Gard. Turen startar kl 09 frå Avdalen Gard. Me legg opp til at folk kan gå opp i Avdalen kvelden før for å overnatta, men du kan også møta direkte på Avdalen Gard på morgonen. Me passar på å disponera tida slik at me rekk markeringa av Folkevegen som er 40 år kl 14 på Vetti Gard. Rømmegraut og spekemat ventar deg på Vetti Gard ved ankomst. Turleiar: Rigmor Solem

3) Quiz/rebus for heile familien langs Folkevegen. Turen startar kl 10 frå Utladalen Naturhus. Arrangør: Barnas Turlag/Utladalen Naturhus